(د. ئاراس حسۆ میرخان)، ئەندامی ئەنجوومەنی سەرکردایەتیی پارتی دیموکراتی کوردستان ڕایگەیاند، بڕیارە سبەینێ ئەنجوومەنی سەرکردایەتیی پارتی دیموکراتی کوردستان بە سەرۆکایەتیی (سەرۆک بارزانی) کۆ ببێتەوە و پرسگه‌لێكی گرینگ ده‌خاته‌ به‌ر باس.

(د. ئاراس حسۆ میرخان)، ئەندامی ئەنجوومەنی سەرکردایەتیی پارتی دیموکراتی کوردستان بە ماڵپەڕی فەرمیی پارتی دیموکراتی کوردستانی ڕاگەیاند: "بڕیارە سبەی، سەعات 10:30 خولەک، ئەنجوومەنی سەرکردایەتیی پارتی دیموکراتی کوردستان بە سەرۆکایەتیی (سەرۆک بارزانی) لەبارەی کۆمەڵێک پرسەوە کۆ ببێتەوە.

ئەو ئەندامەی ئەنجوومەنی سەرکردایەتیی پارتی دیموکراتی کوردستان گوتی: دەمێک بوو بڕیاربوو ئەو کۆبوونەوەیە بکرێت، کە تێیدا ھەندێک پرسی وەک گۆڕانکاریی نێوخۆیی و پێوەندیی نێوان پارتی و یەکێتی و لایەنەکان و کاراکردنەوەی پەرلەمان و حکوومەت و پڕۆژەی (سەرۆک بارزانی) بۆ کاراکردنەوەی پەرلەمان دەخرێنە ڕوو.

(د. ئاراس) لە درێژەدا گوتی، پێشتریش ئێمە تەئکیدمان لە دوو شت کردبووەوە؛ کاراکردنەوەی پەرلەمان و ئەو پڕۆژەیەی (سەرۆک بارزانی) پێشکەشی لایەنەکانی کردبوو. پارتییش پڕۆژەیەکی بۆ گۆڕانکاری نێوخۆیی ھەیە، کە لە دوای کۆنگرەوە نەکراوە.
KDP-