ڕۆژی دووشەممە ٦ـی ٢ـی ٢٠١٧ لە سەلاحەدین، مەسعود بارزانی، سەرۆکی ھەرێمی کوردستان، پێشوازی لە د. فواد مەعسووم، سەرۆک کۆماری عێراق و شاندێکی یاوەری کرد.

بەپێی ڕاگەیاندراوێکی سەرۆکایەتیی ھەرێمی کوردستان، مەسعود بارزانی و فوئاد مەعسوم تاوتوێی سەردانی عەمار حەکیم، سەرۆکی ئەنجومەنی باڵای ئیسلامی و هاوپەیمانیی نیشتیمانیی شیعەکان بۆ هەرێمی کوردستان‌یان کردووە.

سەرۆکی هەرێمی کوردستان و سەرۆک کۆماری عێراق ”بە لەبەرچاوگرتنی ھەڕەشە و دەرفەتەکان“، تیشکیان خستووەتە سەر کێشە سیاسییەکانی عێراق و رۆڵی لایەنە کوردستانییەکان لە هاوکێشە سیاسییەکانی ئەو وڵاتە.

هەروەک لە راگەیەندراوەکەدا هاتووە، مەسعود بارزانی و فوئاد مەعسوم جگە لە باسکردنی بابەتی هەڵبژاردنەکانی عێراق، پررۆسەی سیاسیی و ناکۆکییە سیاسییەکانیان لە هەرێمی کوردستان تاوتوێ کردووە و جەختیان لە یەکڕیزیی لایەنە کوردستانییەکان وەک پێویستییەک کردووەتەوە.













باسنیوز