بەرپرسێ‌ پشكا راگەهاندنێ‌ ل رێڤەبەریا گشتیی ساخلەمیا دهۆكێ‌ دیاركر ئەو سنیلەیێ‌ د زیندانا سنێلان دا ئاگربەردابوو لاشێ خوە نۆكە ژێر چاڤدێریا نوشدارێن دهۆكێ‌ یە و رەوشا ساخلەمیا ویباشتر بوویە.

حەمزە رەزیكی، بەرپرسێ‌ پشكا راگەهاندنێ‌ ل رێڤەبەریا گشتیی ساخلەمیا دهۆكێ‌ دیاركر:" رێژا سۆتنا وی سنیلەیی70% یە، هەموو پێدڤیێن دەرمانکرنا وی هاتینە كرن. نۆكە رەوشا ساخلەمیا ویباشتر بوویە ، دبن چاڤدێریا نوشدارێن سۆتن و جوانكاریێ دایە ل نەخۆشخانا سۆتنێ ل پارێزگەها دهۆكێ‌".

دووڤ پیزانێن دەست كەڤتی، ئەو سنێلەیێ‌ ئاگر بەردایە لاشێ خوە خەلكێ‌ باژێرێ‌ حەسكە یە کو ل سوریا قەستا مالا ناسیارێن خوە كریە ل سەر سكالایەكا كەسەكێ‌ نێزیكی وی هاتیە دەستەسەركرن ب تومەتا دزینا دو وەرقەیێن دۆلاری.

زەكی سالح، رێڤەبەرێ‌ زیندانا سنێلان ل دهۆكێ‌ دیاركر لێژنەكا ڤەكولینێ‌ ل سەر روودانێ هاتە پێك ئینان هەتا نۆكە ڤەكولین یا بەردەوامە.
















باسنیوز