پارتی و یەکێتی لایەنەکان ڕازی دەکەن
د. عەرەفات کەرەم، ئەندامی ئەنجومەنی نوێنەرانی عێراق، ڕایگەیاند: “شاندێکی هەرێمی کوردستان دەچێتە بەغدا، بەڵام دەبێت شاندەکە بەهێز بێت، یەکێتی و پارتی هاوڕان و هەوڵ دەدەن لایەنەکانی دیکەش ڕازی بکەن، بۆ ئەوەی شاندێکی سیاسیی فراوان بێت”.
ئەوەشی ڕوون کردەوە: “شاندەکە سیاسی دەبێت و لەگەڵ بەغدا لەسەر دوو تەوەرەی سەرەکی گفتوگۆ دەکەن، یەکەم، دەبێت ئێمەی کورد وەڵامێکی ڕاست وەربگرین یان دەبێت شەراکەتی ڕاستەقینە بچەسپێت لە عێراقدا و کوردستان ببێتە هاوبەشی بەغدا و ڕێککەوین، دووەمیش، ئەگەر ڕێک نەکەویت، بەخەڵکی کوردستان بڵێن کە بەغدا نایەوێت ڕێککەوێت و دەبێت بیر لە داهاتووی خۆمان بکەینەوە".
باسنیوز
باسنیوز
