بەڕێوەبەرایەتی ئاسایشی سلێمانی سزادانی چوار كەسی راگەیاند، كە بەتاوانی بەكارهێنانی ماددەی هۆشبەر دەستگیركرابوون.

لەراگەیەنراوێكدا كە وێنەیەكی بۆ خەندان نێردراوە ئاسایشی سلێمانی رایگەیاند، توانیویان لەناو شاری سلێمانیدا بەبڕیاری دادوەر و بەپێی ماددەی 14ی موخەدەرات چوار كەس دەستگیربكەن.

ئەو كەسانە لە ڕۆژانی 6ی تەموزی ساڵی 2015، هەروەها 13ی تەموزی ساڵی 2016 دەستگیكراون، دوای گەڵاڵەبونی دۆسییەكانیان و هەواڵەكردنیان بۆ دادگا دوێنێ دووشەممە سزادراون.

بەپێی راگەیەنراوەكە، تاوانبار (ك،ع،ك) لەدایكبوی ساڵی 1991 عیراقەو پیشەی كاسبەو لە ڕەگەز نێرە، بەتاوانی بەكارهێنانی ماددەی هۆشبەر دەستگیركراوە، بڕیاری زیندانیكردنی بۆ ماوەی یەك ساڵ و غەرامەكردنی بەبڕی 450 هەزار دیناری بەسەردا سەپێنراوە .

هەروەها تاوانبار ( ص ،ح ،ع ) لەدایكبوی ساڵی 1987 عیراقەو پیشەی كاسبە و لە ڕەگەز نێرە بەتاوانی بەكارهێنانی مادەی هۆشبەر دەستگیركراوە، سزادراوە بۆ ماوەی هەشت مانگ و غەرامەكردنی بەبڕی 450 هەزار دینار دینار .

راگەیەنراوەكەی ئاسایش ئاماژەی بەوەكردووە، تاوانبار (ك ،س ،ع) لەدایكبوی ساڵی 1992 عیراقەو پیشەی كاسبەو لە ڕەگەز نێرەو بەتاوانی بەكارهێنانی مادەی هۆشبەر دەستگیركراوە ، سزادراوە بۆ ماوەی هەشت مانگ و غەرامەكردنی بەبڕی 450 هەزار دینار.

هەروەها تاوانبار ( ڕ ،ح ،ص ) لەدایكبوی ساڵی 1982 عیراقەو پیشەی كاسبەو لە ڕەگەز نێرە بەتاوانی بەكارهێنانی مادەی هۆشبەر دەستگیركراوە، سزادراوە بۆ ماوەی هەشت مانگ و بەبڕی 450 هەزار دینار غەرامەكراوە .
xandan -