ئاڵتان تان: دهستبهسهركردنمان بۆ رازیكردنی دهنگدهرانی مهههپهیه
ئالتان تان پهرلهمانتاری ههدهپهی شاری ئامهد به دهنگی ئهمریكای راگهیاند "دهستبهسهركردنی پهرلهمانتارانی ههدهپه دوو ئامانجی ستراتیژی حكومهت بهدواوهیه، یهكهمیان له قۆناغی ریفراندۆمدا ههدهپه سهرقاڵی كێشهكانی خۆی بێت و پهرلهمانتاران به دادگاكانهوه سهرقاڵ دهكهن بۆ ئهوهی خهبات دژی ریفراندۆم نهكهن".
بهوتهی ئالتان تان، ئامانجی دووهمیش ئهوهیه ریفراندۆم به رێككهوتنی مهههپه و ئهكهپه بهڕێوهدهچێت و به پێی راپرسیهكان دهنگدهری مهههپه زیاتر له نیوهی دهنگی "نهخێر" بكاردههێنن "دیاره دهستبهسهركردنمان بو رازیكردنی دهنگدهری مهههپهیه بو ئهوهی دهنگی بهڵێ بدهن".
رۆژی شهممهی رابردوو له چوارچێوهی لێپرسینهوهكانی داواكاری گشتی ئامهد له دۆسیهی كهجهكهو پهكهكه، ئالتان تان له لایهن هێزه ئهمنیهكانهوه دهستبهسهركرا و دوای دانیشتنی دادگا له ههمان رۆژ به مهرج ئازاد كرا.
بهپێی دۆسیهی كهجهكه له لایهن دادگای ئهنقهرهوه له نیسانی 2009 ئامادهكراوه "كهجهكه باڵی سیاسی پهكهكهیه له توركیا و باكوری كوردستان و ئهو كهسانهی كه بڕیار له پهكهكه وهردهگرن و پروپاگهنده بۆ پهكهكه دهكهن و به زۆرهملێ هاوكاری دارایی له بازرگانان و سهرمایهدارانی توركیا بو پهكهكه كۆدهكهنهوه دهبێت دهستگیربكرێن".
له ماوهی سێ مانگدا 26 پهرلهمانتاری ههدهپه لهلایهن هێزه ئهمنییهكانی توركیاوه دهستبهسهركراون، ئهوهش دوای گۆڕانكاری یاسایی له پهرلهمان و پهسهندكردنی سهندنهوهی پارێزبهندی یاسایی له سهر پهرلهمانتاران.
پرۆسهی دهستبهسهركردنی پهرلهمانتارانی ههدهپه له چواری تشرینی دووهمی ساڵی رابردوو دهستپێكرد، تاوهكو ئێستا 266 پهرلهمانتاری ههدهپه دهستبهسهركراون كه لهناویاندا سهڵاحهدین دهمیرتاش و فیگهن یوكسهكداغ هاوسهرۆكانی ههدهپهی تێدایه. لهناو ئهو 26 پهرلهمانتاره 12 یان دهستگیركراون، جگه لهوهش 13 پهرلهمانتاریش به مهرجی ئازاد كراون.
لهیلا بیرلیك پهرلهمانتاری ههدهپهی شرناخ دوای دوو مانگ له زیندان به بڕیاری دادگا له 4ی ئهم مانگهدا ئازاد كرا.
ههدهپه خاوهنی 59 كورسییه لهپهرلهمانی توركیا، كه 54 یان پارێزبهندیان لێ سهنراوهتهوه لهلایهن پهرلهمانهوه.
ههروهها دادگای توركیا بڕیاری دهستگیركردنی دوو پهرلهمانتاری دیكهی دهركردووه كهلهدهرهوهی توركیان، كه بریتین له فهیسهل ساریلدز پهرلهمانتاری ههدهپهی شرناخ و توغبا ههزهر پهرلهمانتاری شاری وان.
پهرلهمانتارانی زیندانیكراوی ههدهپه پێكهاتوون له (سهڵاحهدین دهمیرتاش و فیگهن یوكسهكداغ هاوسهرۆكانی گشتی ههدهپه و ئیدریس بالوكان و چاغلار دهمیرهل، بهسیمه كونجا، فهرهاد ئهنجو، نیهاف ئاكدۆغان، سهلما ئیرماك، نورسال ئایدۆغان، گولسهر یلدرم و عهبدوللا زێدان).
له دوای 4ی تشرینی دووهمی ساڵی رابردووهوه تاوهكو ئێستا 14 پهرلهمانتاری ههدهپه دهستبهسهركران و دوای دادگایكردنیان به مهرج ئازادكراون، ئهوانیش (سڕی سوریا ئوندهر و زیا پیر، ئیمام تاشچیهر، عایشه ئاجار باشاران، عهلیجان ئونلو، پهروین بولدان، ئهمین ئادیهمان، نیعمهتوللا ئهردۆغموش، ئهحمهد یلدرم، هودا كایا، مهرال دانیش بهشتاش و ئالتان تان).
خهندان
