(بابه‌شێخ) سه‌رۆكی ئه‌نجوومه‌نی رۆحانیی ئێزدیان، بێئاگاییی خۆی له‌ چوونی شاندێك به‌ ناوی كوردانی ئێزدی بۆ ئێران ده‌ربڕی و، گوتی "ئه‌وان نوێنه‌رایه‌تیی ئێزدیان ناكه‌ن و قه‌بووڵیش ناكه‌ن كه‌س به‌ ناوی ئه‌وان و بێ ئاگاداری ئه‌وان، به‌ ناوی ئێزدیانه‌وه‌ قسه‌ بكه‌ن".

ئاماژه‌ به‌وه‌ی كه‌ ئه‌نجوومه‌نی ڕۆحانی خاوه‌نی كوردانی ئێزدی و ئایینه‌كه‌یانه‌، (بابه‌شێخ) بۆ‌ كوردستان 24 ده‌ڵێ: "پێویسته‌ شنگال و ناوچه‌كانی ئێزدیان بگه‌ڕێنه‌وه‌ سه‌ر هه‌رێمی كوردستان؛ من به‌ (سه‌رۆك بارزانی)م راگه‌یاندووه‌ كه‌ ئێمه‌ به‌شێكین له‌ هه‌ره‌می كوردستان و لێی پاشگه‌ز نابمه‌وه‌".

جه‌ختی كرده‌وه‌، ''ئه‌وانه‌ی چوونه‌ته‌ ئێران، چه‌ند كه‌سێكی شنگالی و به‌غدایین یه‌كیان گرتووه‌ و چوونه‌ته‌ ئه‌وێ، جا بۆیه‌ ئه‌وان گوزارشت له‌ رای ئێزدیان ناكه‌ن.''
kdp-