ئەندامێکی کۆمسیۆنی باڵای سەربەخۆی هەڵبژاردنەکانی کوردستان، باس لە پرۆسەی هەڵبژاردن دەکات و ڕای دەگەیەنێت: "هەوڵدەدرێت ئەمساڵ هەڵبژارنی پەرلەمانی کوردستان لەکاتی خۆیدا بکرێت".

جووتیار عادل، ئەندامی کۆمسیۆنی باڵای هەڵبژاردنەکانی هەرێمی کوردستان، ڕایگەیاند: "حکوومەتی هەرێمی کوردستان ئامادەیی نیشانداوە بودجە بۆ کۆمسیۆن تەرخان بکات، تا لەمساڵدا هەڵبژاردنی پەرلەمان و سەرۆکایەتیی هەرێمی کوردستان بەڕێوە بچێت”.

ئەوەشی خستەڕوو: “بڕیارە ئەمساڵ لە مانگی 11دا هەردوو هەڵبژاردنی پەرلەمان و سەرۆکایەتیی هەرێمی کوردستان ئەنجام بدرێت”. گوتیشی: “کۆمسیۆن ئامادەکاری کردووە بۆ ئەوەی لە وادەی خۆیدا هەڵبژاردن ساز بکرێت”.

لە 21\9\2013، هەڵبژاردنی خولی چوارەمی پەرلەمانی کوردستان ئەنجام درا و بەپێی یاساکانی هەرێمی کوردستان، هەر خولێکی پەرلەمان بۆ ماوەی 4 ساڵە.








باسنیوز