پۆلیسی ھەولێر ڕایگەیاندووە، کە بەھۆی ڕووداوێکی ھاتوچۆ، لە نزیک (فامیلی مۆڵ)ی شاری ھەولێر، بەساڵاچوویەک بریندار دەبێت.

ئەمڕۆ چوارشەممە 18/1/2017، پۆلیسی ھەولێر ڕاگەیاندراوێکی لە پەیجی تایبەتی خۆی، لە تۆڕی کۆمەڵایەتیی (فەیسبووک)دا بڵاو کردەوە و ئاماژەی بەوە کرد، کە نیوەڕۆی ئەمڕۆ ئۆتۆمبێلێک لە جۆری (ھیۆندای ئەزێرا) خۆی بە بەساڵاچوویەک بە ناوی (نوئێل خزر ئەلیاس) تەمەن 77 ساڵدا کێشاوە و برینداری کردووە.

لە ڕاگەیاندراوەکەی پۆلیسی ھەولێردا تیشک خراوەتە سەر ئەوەش، کە دوای ڕووداوەکە، دەستبەجێ لە لایەن پۆلیسی فریاکەوتنەوە شۆفێری ئۆتۆمبێلەکە کە تەمەنی 19 ساڵ بووە، دەستگیر کراوە و بەساڵاچوویەکەش گەیاندراوەتە نەخۆشخانە.







باسنيوز