کچە کوردێکی خەڵکی ناوچەی (ئەرکەواز)ی سەر بە دیالە کە ساڵی 2016 هاوڕێ لەگەڵ بنەماڵەکەی ڕێگەی ئەورووپایان گرتەبەر، لە سنووری مەکدۆنیا لەگەڵ کارمەندێکی سنوور عاشقی یەکتر دەبن و ژیانی هاوبەش پێکدێنن.

تۆڕی میدیایی بی بی سی لە ڕاپۆرتێکدا چیرۆکی چۆنیەتیی ناسینی نوورا ئەرکەوازی کچە کوردی تەمەن 20 ساڵ و بابی دادوسکی فەرمانبەری تەمەن 40 ساڵی خەڵکی مەکدۆنیای گێڕاوەتەوە کە بووەتە جێگەی سەرنجی میدیاکانی ئەورووپا.

نوورا کە لەگەڵ بنەماڵەکەی چوونەتە تورکیا، یۆنان و لەوێشەوە بۆ مەکدۆنیا و لەڕێگەدا باری تەندروستیی تێک دەچێت و بابی ددوسکی یارمەتییان دەکات و بە گوتەی هەردووکیان لە یەکەم ڕوانین و بینیندا عاشقی یەکتر بوون.

پاشان لە کەمپی پەنابەراندا بۆ ماوەی چەند مانگ بەهۆی ئەوەی نووسرا جیا لە ئینگلیزی چوار زمانی دیکە دەزانێ، لەگەڵ بابی پێکەوە هاوکاری دەکەن و یارمەتیی پەنابەران دەدەن و زیاتر پێکەوە ئاشنا دەبن و پاشان بابی داخوازی لێ دەکات ببێتە هاوسەری و ئەویش قەبووڵی دەکات.

بنەماڵەی نوورا چوونەتە ئەڵمانیا، بەڵام نوورا لەگەڵ هاوسەرەکەی و سێ منداڵی دیکەی بابی، ئێستا لە شاری "کۆمانوو" دەژین و بە گوتەی خۆی ژانێکی خۆشی هەیە و زۆر بەختەوەرە.












باسنيوز