ئەمڕۆ چوارشەممە، لە زانکۆی سۆران، ھەڵمەتی چاندنی داری ساکواری یابانی بە لە پێناوی گیانی ئاشتی و پێکەوە ژیان و ھاوڕێیەتی، بەڕێوەچوو.


ڕۆژھات مەھدی، بەڕێوەبەری ڕاگەیاندنی زانکۆی سۆران، بۆ (باسنیوز) ڕایگەیاند: " بە ئامادەبوونی یاریدەدەری سەرۆکی زانکۆی سۆران، بۆ کار و باری کارگێڕی و دارایی، ڕاگرانی فاکەڵتییەکانی زانست و ئەندازیاری، نوێنەری سەردار گڕووپ، ماموستایانی ئایینی موسڵمان و مەسیحی، ژمارەیەکی بەرچاو لە ماموستایان و فەرمانبەرانی زانکۆی سۆران، ھەڵمەتێکی نەمام چاندن بەڕێوەچوو".


بەڕێوەبەری ڕاگەیاندنی زانکۆی سۆران، ئەوەشی ڕوون کردەوە: "ئەم ھەڵمەتە بریتی بوو لە چاندنی داری ساکوار، کە لە وڵاتی یابانەوە ھێنڕابوون، وەک سیمبۆڵی ئاشتی و ھاوڕێیەتی و بە مەبەستی پەڕەپێدانی گیانی ھاورێیەتی و پەیوەندی لە نێوان کوردستان و یابان، لە لایەن کۆمپانیای سەردار گڕووپ، بە ھاوکاری باڵیۆزخانەی یابان ھێنڕابوون، بە ھاوبەشی لە لایەن ماموستایانی ئایینی موسڵمان و مەسیحی و نوێنەرایەتی زانکۆی سۆرانەوە، لە کەمپی زانکۆ لە دێلزیان چاندڕان".


گوتیشی: "داری ساکوار دارێکی زۆ جوانە و لە لای یابانییەکان ڕەمزی ھاوڕێیەتی و ئاشتییە".
bas news-