لە شارەدێی ھەڵشۆی سنووری شارۆچکەی پشدەر، منداڵێک لەناو بێشکەکەیدا خنکاو لایەنی پەیوەنداریش دەستی بە لێکۆڵینەوە کردوە.



عوسمان محەمەد، جێگری بەڕێوەبەری نەخۆشخانەی گشتیی قەڵادزێ، لە لێدوانێکدا بە (باسنیوز)ی راگەیاند: "پێشنوەڕۆی ئەمڕۆ یەکشەممە 25/12/2016 منداڵێکی تەمەن ساڵ و نیوێک، لە شارۆچکەی ھەڵشۆ، لەناو بێشکەدا خنکا، ھەر ئەمڕۆ تەرمەکەی بە خنکاوی گەیەنرایە نەخۆشخانەی قەڵادزێ".



گوتیشی: "بەمەبەستی لێکۆڵنیەوە لە ھۆکاری خنکانەکەی ڕەوانەی پزیشکی دادوەری کراوە، لە لێکۆڵینەوە سەرەتاییەکانیش پێدەچێت بەھۆی تەنگ بوونی ھەناسەی خنکا بێت، بەڵام لایەنی تەندروستی و پۆلیسی سنوورەکە لێکۆڵینەوەی زیاتری لەسەر ڕووداوەکە دەکات".


bas news-