سەرچاوەیەکی ئاگادار لە شاری موسڵ ئاشکرایکرد، ئەمڕۆ مەسیحیەکانی ناوچە کوردستانیەکانی دەرەوەی ھەرێم کە لەلایەن ھێزی پێشمەرگە ئازادکراون، مەسحیەکان بە ئازادی رێوڕەسمی ئاینی خۆیان یادی لەدایکبوونی حەزرەتی مەسیحیان دەکردەوە و ھێزی پێشمەرگەش ئەوانی دەپاراست.



"سەعید مەموزینی" بەرپرسی راگەیاندنی لقی چواردەی پارتی دیموکراتی کوردستان لە موسڵ بە ئاژانسی ھەواڵی زاگرۆسی راگەیاند: "ئەمڕۆ قۆناغی دووەمی پرۆسەی رزگارکردنی موسڵ دەستی پێکرد و پرۆسەکەش زۆر بەباشی بەڕێوە دەچێت و گورزێکی کوشندەش لە داعش وەشێندراوە و ژمارەیەکی زۆریشیان لێ کوژراوە.



سەعید مەموزینی گوتی: تیرۆرستانی داعش لە داخی ئەو شکەستە سێ قوتابخانەیان لە گەڕەکەکانی سۆمەریە و فەیسەلیە و بەلەدیات تەقاندۆتەوە وھاوکات داوایان لە خەڵکی گەڕەکاکانی سوکەر و سەدیق و چەند گەڕەکی دیکە کردووە ماڵەکانیان جێبێڵن و بچنە گەڕەکی رەشیدیە.



باسی لەوەشکرد، ئەمڕۆ ئەو ناوچانەی کوردستان کە لەلایەن ھێزی پێشمەرگە ئازادکراون مەسیحیەکان بە ئازادی رێوڕەسمە ئاینییەکانیان بەڕێوەبرد و ھێزی پێشمەرگەش ئەوانی دەپاراست.
payamner-