گوتەبێژی پۆلیسی هەولێر رایدەگەیەنێت، کە ئامادەکاریی ئەمنی بۆ پێشوازیکردن لە ساڵی 2017 لە شارەکە، کراوە و لەبارەی ئاهەنگەکانیش، بەرپرسێکی پارێزگا روونکردنەوە دەدات.

رائید هۆگر عەزیز، گوتەبێژی پۆلیسی هەولێر رایگەیاند، کە پۆلیس بە هەماهەنگیی ئاسایشی ناوشار و پۆلیسی فریاکەوتن و بەرگریی شارستانی همەوو ئامادەکارییەکیان بۆ شەوی سەری ساڵی نوێ کردووە و هێزەکان هەماهەنگییەکی تەواویان لە نێواندایە.

سەبارەت بە ئەنجامدانی ریوڕەسمی تایبەت بە شەوی سەری ساڵی نوێ، ھەمزە عەبدولڵا، بەڕێوەبەری ڕاگەیاندنی پارێزگای ھەولێررایگەیاند، کە قیرانی دارایی رێگرە لە ئەنجامدانی چالاکیی و ئاهەنگەکان لە شەوی سەری ساڵدا، ”حکوومەتی ھەرێمی کوردستان لە بەرنامەیدا نییە و ناشتوانێت بەھۆی کێشەی داراییەوە ھیچ ئاھەنگێک بۆ پێشوازیکردن لەساڵی نوێ ئەنجام بدات“.

لەگەڵ ئەنجام نەدانی هیچ جۆرە ئاهەنگێک لەلایەن پارێزگای هەولێرەوە، هەروەک هەمزە عەبدوڵڵا رایگەیاند، رێوشوێنی ئەمنیی و خزمەتگوزاریی هاوشێوەی ساڵانی رابردوو گیراونەتە بەر.















باسنیوز