بەپێی هەواڵی سەرچاوەکانی کوردستانی ڕۆژهەڵات لە سەردەشت، گەنجێکی تەمەن 20 ساڵی خەڵکی سەردەشت، نزیکەی یەک مانگە بێسەروشوێنە و بنەماڵە و کەسوکاری هیچ سوراخێکی نازاننن.



بەپیی هەواڵی ماڵپەڕی ڕۆژی کورد، ئەو گەنجە کوردە ناوی ئاریا حەسەن‌نەژاد، کوڕی ڕەحیمی حاجی عەبدوڵا قوڵەسووری خەڵکی سەردەشت، تەمەن 20 ساڵان، ماوەی یەک مانگە بێسەروشوێنە و تا ئێستاش هیچ هەواڵێکی لێ نەزانراوە.



سەرجەم هەوڵی بنەماڵەی ناوبراو بۆ بینینەوەی کوڕەکەیان تا ئێستا بێ کەڵک بووە، باس لەوە دەکەن ئەو گەنجە کوردە، سەرقاڵی کاری هونەری و میوزیک بووە.



لە ماوەی یەک ساڵی ڕابردوودا چەندین حاڵەتی ونبوون و بێسەروشوێنبوونی خەڵک لە شارەکانی کوردستانی ڕۆژهەڵات ڕووی داوە، کە دەکرێ ئاماژە بە چەند حاڵەتێک لە سێ شاری بانە، بۆکان و شنۆ بکەیەن.
BAS NEWS-