ئەندامەکێ شاندا دانوستاتکارێ پارتی دیموکراتی کوردستان یێ دانوستانکار ل گەل لایەنێن سیاسی راگەھاند، سەربەخۆیا کوردستانێ پێدڤیە مەزنتر ژ ھەمی ئاریشان بھێتە دیتن، بلا ئەم ھەڤرک بین و دڤێت شەرێ سیاسی ل سەر ھەر تشتەکی بکەین، لێ بابەتێ چارەنڤسیێ ڤی مللەتی ب دیتنا من، بلا ئەم مەزنتر ژ بۆچوونێن خۆ یێن جیاواز بینین و ئەف بابەتە خوە د سەربەخۆیێ دا خوە ببینیت.



دلشاد شەھاب ئەندامێ دانوستاتکارێ پارتی دیموکراتی کوردستان ل گەل لایەنێن سیاسی د دیدارەکێ دا بۆ (باس) گۆت: وەک پارتی مە بریار دایە کو ب وێ دیتنێ سەردەریێ نەکەین یێ سەرکەفتی و نە سەرکەفتی و ئەم ھەمی تێدا د سەرکەفتینە وەکی دگەھینە رێکەفتنێ و دەمی نە گەھشتینە رێکەفتنێ ئەم ھەمی تێدا نە سەرکەفتینە، لەوما نابینم ئێکی لێ زڤرین ل ھەویستێ خوە کربیت، لەوما دبینم نێزیکبوونا مە و چارەسەرکرنا کێشا و بەرچاڤ وەرگرتنا مافێ چاەنڤسێی ژ ھەر بابەتەکی دێ گرنگترە.



دلشاد شەھابی گۆتیشی: سەربەخۆیی بابەتەکێ چارەنوسازە و یا مەزنە و گرفت و ھەڤرکیان جوداھی ھەیە و ھەڤرکیێن مەزن ل پێش مللەتێ کورد ھەنە، ھەڤرکیا نافخویی مەزنترین ھەڤرکیە ل پێش مە، ب بۆچوونا پتریا ئەندامێن کونفرانسێ سەربەخۆیا کوردستانێ پتریا بۆچوونا یێن دەولی و کەسانێن شارەزا بەلکو ژ ھەر دەمەکی گونجایترە بۆ سەربەخۆیا کوردستانێ و ھەموو ئێک ھەلویستن کو نە رێکەفتنا سیاسی یا نافخویی و کاودانێن نافخویی مەزنترین ھەڤرکینە و ئاریشە و گرفتە ھەمبەر سەربەخۆیا کوردستانێ.



سەعەد خالد ئەندامێ دەستەیا سەرۆکاتیا حزبا زەحمەتکێشێن کوردستانێ گۆت: سەربەخۆیا کوردستانێ خەونا ھەر تاکەکێ کورد و باوەرم ھەموو ئالیێن سیاسی پشتەڤانیا ڤی بابەتی دکەن، لێ ئەڤە دێ مینت کا ئەڤی مللەتی چەند خوە بەرھەف کریە بۆ سەربەخۆیا کوردستانێ، لەوما دبین ب مخابنی ڤە ئەگەر مە بڤێت خوە بەرھەڤ بکەین دڤێت خوە د نافخوە دا رێک بێخین، ئەڤە پێنگاڤا دەسپێکی یا ھەر مللەتی یە کو بەر ب سەربەخۆبوونێ بچیت، لەوما مادەم ئەف دەرفەتا زێرین بۆ مللەتێ مە ھاتیە پێش دڤێت ئاش بین و سازێن خوە کارا بکەین و کادان بھێنە چارەسەرکرن و کاودانێن وەلاتیان بھێنە چارەسەرکرن و نھا ژ ھەر دەمەکی باشترە و دەم گەلەکێ گرنگە سیاسەتێ دا و نھا گەلەک باشترە.



ھەمان ئەندامێ حزبا زەحمەتکێشێن کوردستانێ ئەو ژی گۆت: دەستپێشخەریا سەرۆکێ ھەرێما کوردستانێ مەسعود بارزانی دەرفەتەکا باشە و نابیت ئالیێن سیاسی ڤێ دەرفەتێ ژ دەست بدەن و ھەموو دزانن مە پێ گوھۆرێ رێکەفتنێ نینە و ئەگەر نە رێکەڤین، چ بکەین و دڤێت رێک بکەڤین نھا نە رێکەفین شەش ھەیڤێن دی دێ رێک کەڤین، سالەکا دی دێ رێکەڤین، ھەلبژارتنان بکەین دڤێت رێک بکەڤین حوکمەتێ پێک بینین دڤێت رێک بکەین مافێ چارەنڤیسا دڤێت رێک بکەیڤن سەربەخۆیێ رابگەھینن دڤێت رێک بکەڤین و داخاز کەین ھەموو ئالیێن سیاسی بگەھەنە ئێک و ھەر ئێک ژ ھندەک داخازێن خە بھێتە خوارێ دا بگەھینە چارەکێ و مللەتی ژ ڤێ قوناغێ دەربازبکەین
BAS NEWS-