ڤلادیمیر پوتین، سەرۆکی ڕووسیا، لە کۆنگرەی رۆژنامەوانی ساڵانەی ستایشی گەلی کوردی کرد.

پوتین لە وەڵامی پەیامنێری کەناڵی (کوردستان24) سەبارەت بە سەربەخۆیی کوردستان، گوتی: "میللەتی کورد ژیانێکی دژواریان ھەیە، بەڵام شایانی ھەموو مافێکن، ھەلبەت ئەم پرسە، پرسێکی ناوخۆیی گەلی عێراق و گەلی کوردە و ئێمە ناخوازین لەم بارەوە دەست لە کاروباری ناوخۆیی عێراق وەربدەین".

پوتین ھەروەھا ستایشی ڕۆڵی کوردی لە شەری دژی داعش کرد و گوتی: "پێشمەرگە جوامێرانە دژی تیرۆریستان دەجەنگن و کاریگەریی بەھێزیان ھەیە".


پوتین لە بەشێکی دیکەی قسەکانیدا ئاماژە بە ڕۆڵی سەرەکیی ڕووسیا و تورکیا و ئێران کرد بۆ چوڵکردنی ڕۆژھەڵاتی حەلەب و ھەندێک لە شارۆچکەکانی دیکەی سووریا لە چەکداران و ھاووڵاتییانی سڤیل.

سەرۆکی ڕووسیا ھەر لەمبارەوە دەڵێت: "ئەو پڕۆسەیە بە بێ ئیرادەی باشی بەشار ئەسەد سەرۆکی سووریا ھەرگیز جێبەجێ نەدەکرا".
BAS NEWS-