خێزانێکی دانیشتووی شارۆچکەی حەویجە لە رێگە ھەڵاتنیان بۆ سنوورەکانی ھێزی پێشمەرگە کەوتنە بۆسەیەکی چەکدارانی داعش و دوای ئەوەی دەستڕێژی گولـلەیان لێکردن سێ لە ئەندامانی خێزانەکە بەسەختی بریندار بوون، دواتر لە نەخۆشخانەیەکی شاری مووسڵ چارەسەری کاتییان بۆ کراوە و دووبارە رێگەی ھەڵاتنیان گرتەوە بەروو خۆیان گەیاندە سەنگەرەکانی ھێزی پێشمەرگە، ئێستا دوو لە ئەندامانی ئەو خێزانە بەھۆی ئەوەی فیشەکەکان لە جەستەیان دەرنەھێنراون ژیانیان لە مەترسیدایە و داوای چارەسەر دەکەن.
سەرپەرشتیاری ئەو خێزانە بەناوی حەموود عیسا بە كوردستان24 گوت: "لەكاتی دەرچوونمان لە حەویجە كەوتینە بۆسەی چەكدارانی داعش، دەستڕێژی گولـلەیان لێكردین فیشەكێك بەسەری كچەكەم كەوت، ھاوسەرەكەم دوو فیشەكی بەركەوت تا ئێستا فیشەكەكان لە دەمووچاویدا ماونەتەوە".
k24 -
