سەرۆکی فراکسیۆنی پارتی دیموکراتیی کوردستان لە پەرلەمانی عێراق، ئاماژە بەوە دەکات، لەسەر پرسی بودجەی عێراق دەبێت هەرێمی کوردستان و حکوومەتی عێراق ڕێکبکەون، چونکە ئەو پرسە لە پەرلەمان یەکلا ناکرێتەوە.


خەسرۆ گۆران، سەرۆکی فراکسیۆنی پارتی لە پەرلەمانی عێراق ڕاگەیاند: کۆبوونەوەی ئەمڕۆ چوارشەممە 21\12\2016ی ئەنجومەنی وەزیران و فراکسیۆنە کوردستانییەکان گرنگە، چونکە دەبێت باسی بودجەی عێراق و داواکارییەکانی هەرێمی کوردستان بکرێت، لە کۆبوونەوەکەش وردەکاریی لایەنی خراپی بودجە دەخرێتەڕوو کە گرنگە سەرجەم فراکسیۆنەکان ئەوەیان بۆ ڕوون ببێتەوە”.


ئەوەشی ئاشکرا کرد: "سێ بژاردە لەبەردەم هەرێمی کوردستان هەیە بۆ ئەوەی پرسی بودجە و مووچەی فەرمانبەرانی کوردستان چارەسەر بکات، پێویستە شاندی حکوومەتی ھەرێمی کوردستان بچێتە بەغدا، یاخود ڕێککەوتنی کۆن جێبەجێ بکرێت، یاخود ڕێککەوتنێکی نوێ لەگەڵ بەغدا بکرێت''.




باسنيوز