کارمەندێکی دیکەی ئاسایشی شاری کۆیە شەهید بوو و بەمەش ژمارەی شەهیدانی تەقینەوەکان گەیشتە حەوت شەهید.



شەوی سێشەممە 20ـی کانووی یەکەمی 2016، دوو تەقینەوە لە بەردەم بارەگای حیزبی دیموکراتی کوردستان (حدک) لە شاری کۆیە روویان دا.



تەقینەوەکان، هەروەک دەفتەری سیاسیی حدک رایگەیاندووە، بوونە هۆی شەهیدبوونی شەش پێشمەرگە و کادیری حدک و کارمەندێکی ئاسایشی کۆیە، وێڕای برینداربوونی دوو پێشمەرگەی دیکەی حزبەکە و دوو کارمەندی دیکەی ئاسایش.



رۆژی چوارشەممە 21ـی کانوونی یەکەم، کارمەندێکی ئاسایش بە ناوی سەنگەر، کە بە هۆی تەقینەوەکان بە سەختی بریندار بوو، لە نەخۆشخانەیەکی شاری هەولێر کۆچی دوایی کرد.