هەڵووسڕاوێکی بزووتنەوەی گۆڕان دڵخۆشە بەوەی بەهۆی گفتوگۆکانەوە کێشە سیاسییەکان چارەسەر بکرێن و دەڵێت: "ئەو دەستپێشخەرییەی پارتی باش بوو".



ئومێد حەمە عەلی، هەڵسووڕاوی بزووتنەوەی گۆڕان، ڕایگەیاند: “لە ساڵێک زیاترە کێشەکان گەیشتوونەتە ئاستێکی بەرز لە نێوان لایەنە سیاسییەکاندا، ئەمەش وای کرد کە دانیشتن لە نێوان لایەنەکان ئاستەم بێت، بەتایبەت پارتی دیموکراتیی کوردستان و بزووتنەوەی گۆڕان، بۆیە ئەگەر پارتی جددی بێت لەو دەستپێشخەرییەی کردوویانە بۆ چارەسەرکردنی کێشەکان و گۆڕینی سەرۆکایەتییەکان، دەکرێت دەستپێشخەرییەکە بۆ چارەسەری کێشە سیاسییەکان زۆرباش بێت، دواجار کێشەکانی دیکەش”.

ئەوەشی ڕوون کردەوە: "هەمیشە کێشە سیاسییەکانی کوردستان لە میدیاوە دەست پێ دەکات، بۆیە لەبەرچاوگرتنی ئاشتەوایی لە میدیاکان، دەکرێت زەمینەیەکی باش بڕەخسێنێت".

دوێنێ دووشەممە (20\12\2016)، شاندی پارتی دیموکراتیی کوردستان، سەردانی بزووتنەوەی گۆڕان و یەکێتیی نیشتمانیی کوردستانی کرد و دواتر ئەوە ڕاگەیاندرا کە کۆبوونەوەکان ئەرێنی بوون.







باسنيوز