بۆ كۆچی دوایی پرۆفیسۆر جه‌مال ره‌شید، مێژوونووس و مامۆستای زانکۆ، سه‌رۆكی هه‌رێم سه‌رخۆشی له‌ خانه‌واده‌ی ئه‌و پرۆفیسۆره‌ كرد و رایگه‌یاند، له‌ ده‌ستدانی بەرێزیان خەسارەتێکی گەورەیە بۆ گەلەکەمان بەگشتی و بۆ ناوه‌نده‌كانی توێژینه‌وه‌ و مێژوونوسان بەتایبەتی.

ئه‌مه‌ش ده‌قی سه‌ره‌خۆشینامه‌كه‌یه‌:

به‌ناوی خوای گه‌وره‌ و میهره‌بان



به‌ڕێز دکتۆر کوردستان موکریانی



بەڕێزان‌ خانه‌واده‌ی پرۆفیسۆر جه‌مال ره‌شید



به‌داخه‌وه‌ پەژارەوە هه‌واڵی كۆچی دوایی پرۆفیسۆر جه‌مال ره‌شید، مێژوونووس و مامۆستای زانکۆم بیست، به‌م بۆنه‌یه‌وه‌ سه‌ره‌خۆشی و هاوخه‌می خۆم به‌ خانه‌واده‌ به‌ڕێزه‌كه‌تان و ئه‌كادیمیست و مێژوونووسانی كوردستان راده‌گه‌یه‌نم.

پرۆفیسۆر جه‌مال ره‌شید، وه‌ك مێژوونووس و ئاكادیمست و خەباتکار رۆڵی به‌رچاو وکاریگەری هه‌بووە له‌ پاراستن و ساغکردنەوە و نووسینه‌وه‌ی مێژووی نه‌ته‌وه‌كه‌ی و ناساندنی بە نەوەکانی کوردستان و هەموو ئەوانەی ویستوویانە راستییەکان لەبارەی کوردەوە بزانن. له‌ ده‌ستدانی بەرێزیان خەسارەتێکی گەورەیە بۆ گەلەکەمان بەگشتی و بۆ ناوه‌نده‌كانی توێژینه‌وه‌ و مێژوونوسان بەتایبەتی.



له‌ خوای گه‌وره‌ داواكارم، ئارامی و سه‌بوری به‌ ئێوە و هەڤاڵانی ببه‌خشێ و خوالێخۆشبوویش به‌ر ره‌حمه‌تی خۆی بخات و به‌ به‌هه‌شتی به‌رینی شاد بكات.



انا لله‌ و انا الیه‌ راجعون



مسعود بارزانی

19ـی 12ـی 2016
payamner -