قایمقامی شارۆچكه‌ شنگال، ئاماژه‌ بۆ ئه‌وه‌ ده‌كات كه‌ بۆ ئه‌وه‌ی پارتی كرێكارانی كوردستان (په‌كه‌كه‌) شنگال چۆڵ بكات، هاوپه‌یمانان و ئه‌مه‌ریكا له‌سه‌ر خه‌تن و تادێت فشاریان له‌سه‌ر زیاتر ده‌بێت.



مه‌حما خه‌لیل، قایقمامی شارۆچكه‌ی شه‌نگال، به‌ (باسنیوز)ی ڕاگه‌یاند: "بۆ ئه‌وه‌ی په‌كه‌كه‌ شنگال چۆڵ بكات، ئه‌مه‌ریكا، ئه‌وروپا و هاوپه‌یمان له‌سه‌ر خه‌تن، ئه‌مه‌ریكاش به‌ده‌م داواكاری شنگالییه‌كانه‌وه‌ هاتووه‌ و داوای چۆڵكردنی په‌كه‌كه‌ له‌م شاره‌ ده‌كات".
قایمقامی شنگال، ئه‌وه‌شی ڕوون كرده‌وه‌: "جگه‌ له‌ هێزی پێشمه‌رگه‌ی كوردستان و ئه‌و هێزانه‌ی كه‌ به‌پێی ده‌ستوور مامه‌ڵه‌یان له‌گه‌ڵ ده‌كرێت، هیچ هێزێكی دیكه‌ نابێت له‌ شنگال بمێنێته‌وه‌، ده‌بێت په‌كه‌كه‌ به‌ ته‌واوه‌تی شنگال چۆڵ بكات".


گوتیشی: "بۆ ئه‌وه‌ی له‌ ماوه‌یه‌كی كورتدا په‌كه‌كه‌ شنگال چۆل بكات، دوو ئاگاداری دیكه‌ی پێ ده‌ده‌ین".
bas news -