دهۆك.. 1604 قوتابخانە و 500 هزار قوتابی دێ پشكداریێ د ڕۆژا ئالایی دا كەن
ڕێڤەبەریا گشتی یا پەروەردێ ل پارێزگەها دهۆكێ، ڕاگەهاند: " وەكو ڕێز گرتن و ساخ كرنا بیرەوەری یا ڕۆژا ئالایێ كوردستانێ، سۆبەهی...ڕۆژا شەمبیێ، ڕێكەڤتی (17/12/2016)ێ، ل دەمژمێر (10:00)ی سپێدێ، ل سەرانسەری (1604) قوتابخانێن سەر ب پارێزگەها دهۆكێ ڤە، دێ (500) هزار قوتابی پشكداریێ د ڕۆژا ساخ كرنا ئالایی دا كەن و ئاهەنگا سەرەكی یا ڕێڤەبەریا گشتی یا پەروەردێ ل پارێزگەها دهۆكێ، دێ ل قوتابخانا (سیڤەر) یا بنەڕەت یا كچان هێتە ئەنجام دان، ل سنورێ ڕێڤەبەریا پەروەردا دهۆك ڕۆژ هەڵات. "
ڕێڤەبەریا گشتی یا پەروەردێ ل پارێزگەها دهۆكێ، دیار ژی كر: ئەم گرنگی یە كا مەزن و ژ هەژی ددەینە هەمی بیرەوەری و سمبولێن نەتەوەیی، ئالایێ كوردستانێ ژی ئێك ژ سەروەریێن پیرۆزێن مللەتێ مەیە و ئەو خەبات و تێكوشین و قوربانی یێن مەزن ب درێژاهیا بزاڤا ڕزگاری خوازیا مللەتێ كورد ل بن سیبەرا ڤی ئالایێ پیرۆز هاتیە كرن و خەلكێ كوردستانێ بێ جوداهی قوربانیێن مەزن داینە و خۆ گوری ئاخا پیرۆزا كوردستانێ كریە ژ بۆ هندێ كەرامەت و هەبوونا مللەتێ زیندی یێ كورد هەر بمینیت و ئالایێ پیرۆز هەر بەرز و بلند بیت.
باسنیوز
