ئاخڤتنکەری فەرمێ ھوزیێن عەرەبێن دەشتا مووسلێ، دیارکر ھێرشا تایفەگەریا قەیس ئەلخەزعەلی، فەرماندێ عەساب ئەھلل حەق، بۆ سەر ھەرێما کوردستانێ ژلایێ مالێکی و بزاڤا گۆڕان ڤە پلان بۆ ھاتیە دانان، و ئەوان پشتەڤانیا وی کرینە کو وان ئاخفتنان بێژیت، و مەرەم ژێ بجە ئینانا ئەجندایێن دەرڤە و ناڤخۆیی نە.



موزاحم ئەحمەد، ئاخڤتنکەری فەرمێ ھوزیێن عەرەبێن دەشتا مووسلێ، بۆ (باسنیوز) دیارکر: "بۆ پەیداکرنا فتنا تایفەگەری یە دناڤبەرا سونە و شیعەیان دا، ھەروەسا دناڤبەرا کورد و شیعاندا، ھەروەسا دناڤبەرا حزبێن کوردی دا، ژ بەر وێ چەندێ ئەم داخوازێ ژ حکومەتا ھەرێما کوردستانێ، دکەین کو سەربەخۆیا کوردستانێ ب راگەھینن، ھەروەسا ئەم دبێژینە گرۆپێ خەزعەلی ھەر کەسەکێ بزاڤێ بکەت خوە نێزیکی سنۆرێن ھەرێما کوردستانێ بکەت دێ وی فرێکەینە دۆزەخێ جەھنەمێ ئەو ژی دێ ل سەر دەستێن پێشمەرگێ قەھرەمان بیت، پێشمەرگەی کوردستانێ رۆبارێن خوینێ بۆ پاراستنا ئاخ و کەرامەتا عەرەبان داینە".



خۆیا ژی کر: "ئەم وەک عەشیرەتێن عەرەبا د ئامادەینە بەرەڤانیێ ژ کوردستانێ و عەردێ وێ بکەین بۆ نەھێلانا داعشێ وکەسێن پشتەڤانێی ل تیرۆرستان دکەن، ئەم دبیژینە خەزعەلی و ئەوێن وەک وی شیرەت دکەین رێزێ ل ھەرێما کوردستانێ و خەلکێ وێ بگرن، چونکی بتنی پێشمەرگەی کوردستانێ پاراستی ژ ھەموو ئاین ونەتەوە دکەت بیی جۆداھیی".
k24 -