بەرپرسی ڕاگەیاندنی قایمقامیەتی شارۆچکەی خورماتوو، دەستبەسەرکردنی بەڕێوەبەری پۆلیسی خورماتوو، ھەروەھا گیان لە دەست دانی گەنجێک بەھۆی ڕووداوێکی ھاتوچۆوە، ڕاگەیاند.

محەمەد فایەق، بەرپرسی ڕاگەیاندنی قایمقامیەتی شارۆچکەی خورماتوو، بە (باسنیوز)ی ڕاگەیاند: "ئەمڕۆ 14/12/2016 لە شاری تکریتی ناوەندی پارێزگای سەڵاحەددین، عەقید نیزامەددین، بەڕێوەبەری پۆلیسی شارۆچکەی خورماتوو، بەھۆی دروستکردنی تۆمەتێکەوە بۆی دەستبەسەرکرا، بەڵام ئەمشەو ئازادکرا".



گوتیشی: "ئێوارەی ئەمڕۆش، بەھۆی ڕووداوێکی ھاتوچۆوە لەسەر ڕێگای کەرکووک - خورماتوو، گەنجێک بەناوی (نیھاد عادل ئەحمەد) گیانی لە دەست دا".



خورماتوو دەکەوێتە باشووری شاری کەرکووک،255 کیلۆمەتر باکووری خۆرھەڵاتی بەغدا، دانیشتوانەکەی لە کورد، عەرەب و تورکمانی شیعەو سوننە پێکدێن، پێشتر سەر بەپارێزگای کەرکووک بوە، بەڵام لەسەردەمی حکوومەتی بەعسدا، ناوەندی کارگێڕییەکەی خرایە سەر پارێزگای سەڵاحەددین ء یەکێکە لەناوچە جێناکۆکەکان لەنێوان ھەرێمی کوردستان ء عێراقدا.
bas news-