چەکدارانی سەر بە پارتی کرێکارانی کوردستان (پەکەکە) ئاستەنگ و مەترسیی لەسەر هاوچۆی شەوانەی هاووڵاتییانی شاری شنگال دروست دەکەن.



خەلەف قاسم، ئەندامی ئەنجومەنی قەزای شنگال راگەیاندووە، چەکدارانی سەر بە پەکەکە بە شەوان کەمین لە ناو شارەکە دادەنێن و بازگە دروست دەکەن.



خەلەف قاسم هەروەها رایگەیاند، بەهۆی مەترسیی رفاندن لەلایەن چەکدارانی سەر بە پەکەکەوە، هاووڵاتییان لە کاتەکانی شەودا ناتوانن هاتوچۆ بکەن و چەکدارانی سەر بە پەکەکە ترسیان بڵاو کردووەتەوە.



ئەو ئەندامەی ئەنجومەنی قەزای شنگال ئاماژەی بەوەش کرد، کە ئەو چەکدارانە پلان بۆ ئەوە دادەنێن، کە دووبەرەکی و ئاژاوە بخەنە ناو هاووڵاتییانی شارەکە.








باسنیوز