نوێنەرێکی کورد لە پەرلەمانی عێراقدا دەڵێ، هەردوو حکوومەتی هەرێم و عێراق تانە لە بودجە دەدەن؛ بڕگەیەکی مەترسیداریش لە پڕۆژەکەدا هەیە کە بۆمبێکە بە دەستی بەغداوەیە بۆ ئەوەی دەستبەسەر نەوتی کەرکووکدا بگرێت.



حاکم (سەرحان سلێڤانەیی) بە ماڵپەڕی فەرمیی پارتی دیموکراتی کوردستانی گوت، ئەو فراکسیۆنە کوردیانەی باس لەوەدەکەن کارێکی زۆرباشیان کردووە و پشکی ھەرێمی کوردستانیان لە یاسای بودجەدا دابین کردووە راست ناکەن، چونکە جگە لە زیانگەیاندن بە هەرێم، ئەو یاسایە ھیچ سوودێکی دی نییە.



دەشڵێ، ھەردوو حکوومەتی عێراق و ھەرێمی کوردستان، لە دادگای فیدراڵدا تانە لەو یاسایە دەدەن، هەم عێراق تێبینی لەسەر پترۆدۆلار هەیە کە لە بودجەدا لە سێ دۆلارەوە کراوە بە ٥ دۆلار و، هەم هەرێمیش تێبینی لەسەر نەوتی کەرکووک هەیە.



(سلێڤانه‌یی) ئاماژەیشی دا، بڕگەیەک لە بودجەدا دانراوە باس لەوە دەکات کە هەرێمی کوردستان مافی دەرهێنان و بەرهەمهێنانی نەوتی لە کەرکوودا نییە و کۆمپانیای سۆمۆ ئەو کارە دەکات و هەرێم تەنیا کاری گواستەوە دەکات، ئەمەش بۆمبێکە بە دەستی بەغداوە بەرانبەر هەرێم بۆ ئەوەی دەستبەسەر نەوتی کەرکووکدا بگرێ، بەڵام هەرێم ئەمەی قەبووڵ نییە
kdp-