شاندێکی ئەمریکا تاوتوێی کشانەوەی چەکدارانی سەر بە پارتی کرێکارانی کوردستان (پەکەکە) لە شارەدێی سنوونێ لە پارێزگای نەینەوا دەکات.



نایف سەیدۆ، بەڕێوەبەری شارەدێی سنوونێ راگەیاند، کە تاوەکو چەکدارانی پەکەکە لە ناوچەکە بمێننەوە، هاووڵاتی و ئاوارەکانی ناوچەکە ناتوانن بگەڕێنەوە.



نایف سەیدۆ هەروەها رایگەیاندووە، کە شاندەکەی ئەمریکا رۆژی دووشەممە 12ـی کانوونی یەکەمی 2016 بۆ ماوەی دوو کاتژمێر لەگەڵ ئیدارەی ناوچەکە کۆ بووەتەوە و ئیدارەی سنوونێ بە شاندەکەیان گوتووە، کە بەغدا هیچ هاوکارییەکی ناوچەکە ناکات.



هەروەک بەڕێوەبەری شارەدێی سنوونێ رایگەیاندووە، ئەمریکییەکان هەوڵ دەدەن میکانیزمێک بۆ کشانەوەی چەکدارانی پەکەکە لە ناوچەکە دابنێن.




باسنیوز