رێکخراوی چاودێری مافی مرۆڤی سووریا کە بنکەکەی لە لەندەنە، رایگەیاند: لەماوەی ١٢ کاتژمێری رابردوودا ١٠هەزار کەس بە هۆی بۆمبابارانی توندی حکومەتی سووریا و رووسیاوە، شاری حەلەبیان جێهێشتووە.



ئەم رێکخراوەیە، ئاشکرای کرد، ئەو هەزاران کەسە لە رۆژهەڵاتی حەلەبەوە بەرە رۆژئاوای شارەکە هەڵاتوون کە لەژێر کۆنتڕۆڵی هێزەکانی سەر بە بەشار ئەسەد دایە.

بە پێی ئەم هەواڵە لەبەیانیی رۆژی یەکشەممەوە، سوپای سووریا و فڕۆکە جەنگییەکانی رووسیا ناوچەکانی ژێر دەستەڵاتی هێزەکانی ئۆپۆزسیۆن لە رۆژهەڵاتی حەلەب بۆمباباران دەکەن.
PAYAMNER -