ماڵپەڕی فەرمی کۆشکی سپی ڕایگەیاند، ڕۆژی هەینی ٩ی کانوونی یەکەم, جۆ بایدن جێگری سەرۆکی ئەمەریکا، لەگەڵ مەسرور بارزانی ڕاوێژکاری ئەنجومەنی ئاسایشی هەرێمی کوردستان کۆبووەتەوە.

کۆبوونەوەکە هاوکاتبووە لەگەڵ کۆبوونەوەیەکی مەسرور بارزانی و ئەڤریل هاینس جێگری ڕاوێژکاری ئاسایشی ئەمەریکا.

لە کۆبوونەوەکەدا بایدن دەستخۆشی لە ئازایەتی و قوربانیدانی هێزەکانی پێشمەرگە و عێراق کرد و هاوخەمی خۆی بۆ کەسوکاری شەهیدەکان دەبڕی.

جۆ بایدن هەروەها دەستخۆشی هەماهەنگی نێوان حکومەتی عێراق و هەرێمی کوردستانی کرد بۆ هەوڵەکانیان لە تێکشکاندنی داعش.

دڵنیاشی کردنەوە کە ئەمەریکا پاڵپشتێکی بەهێزی عێراقێکی یەکپارچە و دیموکراتە کە ئاسایش بۆ هاووڵاتییەکانی دابین بکات.

PAYAMNER -