بەڕێوەبەری پەیوەندییەكانی كۆڕەك تیلیكۆم رایگەیاند، كۆمپانیاكەیان نرخی پەیوەندییەكانی لە سەرتاسەری هەرێمی كوردستان و عێراق كەم دەكاتەوە.

شەوی چوارشەممە 17-2-2016، چاوشین حەسەن، بەڕێوەبەری پەیوەندییەكانی كۆڕەك تیلیكۆم ئاشكرایكرد، بەهۆی قەیرانی دارایی بڕیاریانداوە "كەمترین نرخ" بۆ بەشداربوونی لەسەرتاسەری عێراق و هەرێمی كوردستان دابنێن.

چاوشین حەسەن گوتیشی "لە هەولێر و دهۆك رێژەی 70%ی نرخی پەیوەندی دادەشكێنن، لەنێوان تۆڕی‌ كۆڕەك و كۆمپانیاكانی دیكە".

لەبارەی نرخی پەیوەندی بۆ پێشمەرگە، بەڕێوەبەری پەیوەندییەكانی كۆمپانیای كۆڕ‌ەك تیلیكۆم رایگەیاند، بەڕێژەی 98% دادەشكێندرێت.

دەرباری ناوچەكانی عێراق، بەڕێوەبەری پەیوەندییەكانی كۆڕەك تیلیكۆم ئاشكرایكرد، رێژەی 80%ی نرخی پەیوەندییەكانیان دادەشكێنن.

بەپێی راگەیێندراوی فەرمی كۆمپانیای كۆڕەك تیلیكۆم داشكاندنەكان بەم جۆرەیە:

لە هەولێر و دهۆک بەڕێژەی لە %70ی نرخەکانی داشکاند.
لە سلێمانی و کەرکووک و هەڵەبجە، نرخی یەک خولەک 57 دیناری عێراقییە.
بۆ پێشمەرگە و بەرەکانی جەنگ لە %98ی نرخی پەیوەندییەکانی دابەزاند.





رووداو