کریستۆفەر هیڵ، باڵیۆزی پێشووتری ئەمریکا لە عێراق دەڵێ بە هیچ شێوەیەک باسی ئەوەی نەکردووە کە بەرپرسانی هەرێمی کوردستان خاوەنی ملیارەها دۆلارن.

چەند رۆژێکە لە هەندێک میدیای لۆکاڵی و سۆشیاڵمیدیا لە کوردستان باس لەوە دەکرێ کە گوایە هیڵ گوتوویەتی یەکێتی و پارتی خاوەنی 80 ملیار دۆلارن و لە بانکەکانی دەرەوە دایانناوە.

چەند پەرلەمانتارێکی هەرێمی کوردستانیش گوتەکانی باڵیۆزی پێشووی ئەمریکایان دانابوو و هەروەها گوتبویان لێکۆڵینەوەی لەسەر دەکەن.

هیڵ لە ئیمەیڵێکدا بۆ بەڕێوەبەری پۆڕتاڵی رووداو لە بارەی ئەو دەنگۆیە نووسیوویەتی: "من بە هیچ جۆرێک قسەی وام نەکردووە و گفتوگۆی لەمجۆرەشم لەگەڵ کەسدا نەبووە، کە ئەوە بابەتێکە من هیچ زانیاریم لەسەری نییە".







رووداو -