دوای ئەوەی لە چەند ڕۆژی ڕابردوودا پشووی فەرمیی وەرزی یەکەمی خوێندن لە لایەن وەزارەتی پەروەردەوە ڕاگەیاندرا، بە بڕیارێکی دیکەی هەمان وەزارەت، پشووەکە تا ڕۆژی شەممەی هەفتەی داهاتوو درێژ کرایەوە.



"فاتح مەولەوی زادە"، گوتەبێژی وەزارەتی پەروەردەی حکوومەتی ھەرێمی کوردستان، ڕاگەیاند، پشووی کۆتایی وەرزی یەکەم بە بڕیارێکی ”پشتیوان سادق“، وەزیری پەروەردەی حکوومەتی هەرێمی کوردستان، تا ڕۆژی شەممە 23\1\2016 درێژ کراوەتەوە. ئەوەشی خستە ڕوو کە ڕۆژی یەکشەممە 24\1\2016، دەوامی ئاسایی خوێندن لە سەرجەم ناوەندەکان دەست پێدەکاتەوە.



گوتەبێژەکەی وەزارەتی پەروەردە ئەوەشی گوتی: بڕیاردان لەسەر درێژکردنەوەی پشووەکە، پەیوەندی بە کۆبوونەوەی نێوان وەزیری پەروەردە و جێگری سەرۆکوەزیران و یەکێتیی مامۆستایانی کوردستانەوە نییە، بەڵکو بڕیارەکە پەیوەندی بە ”ئەجێندای کاری وەزارەتی پەروەردەوە ھەیە“.



باسنیوز