كەمێك پێش ئێستا كۆبوونەوەی سەرۆكی ھەرێمی كوردستان و جێگری سەرۆك وەزیران و سوپاسالاری ھۆڵەندا لە ھەولێر دەستیپێكرد.

شاندێكی حكوومەتی ھۆڵەندا كە پێكھاتوون لە لۆدڤان ئاشەر، جێگری سەرۆك وەزیرانی ھۆڵەندا و ژینان ھێنز، وەزیری بەرگریی و تۆم میدن دۆپ، سوپاسالاری ھۆڵەندا، ئەمڕۆ لە شاری ھەولێر لەگەڵ مەسعوود بارزانیی، سەرۆكی ھەرێمی كوردستان کۆبوونەوە.

بڕیارە دوای كۆبوونەوەكەش لە كۆنگرەیەكی رۆژنامەوانیی ھاوبەشی بەشداربوان لە کۆبوونەوەکە، ئامانجی سەردانەكەی شاندی هۆڵەندا و ناوەرۆكی كۆبوونەوەكە بۆ رۆژنامەنووسان بخەنەڕوو.

ئێوارەی دوێنێ شاندێكی حكوومەتی ھۆڵەندا بە سەرۆكایەتی لۆدڤان ئاشەر، جێگری سەرۆك وەزیرانی ھۆڵەنداگەیشتە شاری ھەولێر.









K24