پۆلیسی تورکیا لە یەکێک لە شارەکانی کەناری دەریای ئیجە 1300 پەنابەری دەستگیرکرد.

هەڵمەتی دەستگیرکردنی پەنابەران، بە بەشداربوونی 250 پۆلیس لە 8 ناوچەی شاری ئیواجیکی کەنار دەریای ئیجە بەڕێوە چوو.

پۆلیس لەو هەڵمەتەدا سەرەتا 850 پەنابەریان دەستبەسەر کرد، کە دوای کاژێرێک ژمارەی پەنابەرانی دەستبەسەرکراو گەیشتە 1300 کەس.

هەروەها سێ قاچاخچی دەستگیر کراون و چوار بەلەم و کەرەستەکانی دیکەیان دەستیان بەسەردا گیراوە.

ئەو هەڵمەتە کاتژمێرێک دوای رێککەوتنی نێوان تورکیا و یەکێتی ئەوروپا دەستیپێکرد، کە بۆ راگرتنی کۆچی پەنابەران بۆ ئەوروپا واژۆ کرا.









رووداو