هێشتا بارودۆخی نێو شارۆچکەی خوورماتوو ئارام نییە و هێزەکانی پێشمەرگە و حەشدی شەعبی بەنێو شارۆچکەکەدا هاتووچۆیانە و چەند دووکان و ماڵێکیش سووتێندراون.

سەنگەر عەبدولرەحمان پەیامنێری رووداو لە خوورماتووەوە لەبەردەم چەند دووکانێک وەستاوە کە یەکێکیان هێشتا دووکەڵی لێهەڵدەستێت، سەنگەر دەڵێت: هاوشێوەی ئەم دووکانە چەند ماڵێکیش سووتێنراون.

لە ماوەی چەند رۆژی رابردوودا گرژی کەوتووەتە نێوان پێشمەرگە و حەشدی شەعبی لە شارۆچکەی خوورماتوو و، هەرچەندە دوێنێ ئەو کەسانەی کە پێشمەرگە دەستگیری کردبوون و ئەوانەش کە حەشدی شەعبی دەسگیری کردبوون ئازادکران، بەڵام وەکو پەیامنێری رووداو ئاماژەی پێدەکات هێشتا ژیان لە خوورماتوو ئاسایی نەبووەتەوە و دەوامی فەرمیش لەشارۆچکەکە راگیراوە.









رووداو