رۆژنامه‌ی شه‌رقلئه‌وسه‌ت له‌باره‌ی ئۆپه‌راسیۆنی رزگاركردنی شنگال له‌لایه‌ن هێزه‌كانی پێشمه‌رگه‌ی كوردستان بڵاویكرده‌وه‌، هێزه‌كانی پێشمه‌رگه‌ی كوردستان له‌ ئۆپه‌راسیۆنێكی سه‌ربازی به‌رفراواندا بۆ سه‌ر تیرۆریستانی داعش له‌ شنگال و ده‌وروبه‌ری سه‌ركه‌وتنی گه‌وره‌یان به‌ده‌ستهێناوه‌ و ناوچه‌یه‌كی به‌رفراوانیان له‌ده‌ست تیرۆریستانی داعش ڕزگاركردووه‌.

هاوكات رۆژنامه‌ی شه‌رقولئه‌وسه‌ت ئاماژه‌ی به‌وه‌كرد، به‌ڕێز مه‌سعود بارزانی سه‌رۆكی هه‌رێمی كوردستان، سه‌رپه‌رشتی ڕاسته‌وخۆی ئۆپه‌راسیۆنی ڕزگاركردنی شنگال ده‌كات كه‌ زیاتر له‌ حه‌وت هه‌زار پێشمه‌رگه‌ به‌شدارییان له‌ ئۆپه‌راسیۆنه‌كه‌دا كردووه‌ و تیرۆریستانی داعش گورزی كوشنده‌یان له‌لایه‌ن هێزه‌كانی پێشمه‌رگه‌ی كوردستان به‌ركه‌وتووه‌ و ژماره‌یه‌كی زۆریان كوژراون.