باڵیۆزی بەریتانیا لە عێراق رایگەیاند، کە پشتگیری و هاوکارییەکانیان بۆ هێزەکانی پێشمەرگە بەردەوام دەبێت، بۆ رووبەڕووبوونەوەی چەکدارانی رێکخراوی دەوڵەتی ئیسلامی (داعش).

فرانک بەیکەر، باڵیۆزی بەریتانیا لە بەغدا، لە دیدارێکیدا لەگەڵ نێچیرڤان بارزانی، سەرۆکی حکوومەتی هەرێمی کوردستان، لە شاری هەولێر، رۆڵی خەڵک و حکوومەتی هەرێمی کوردستانی لە بەرەنگاربوونەوەی تیرۆر و دوورخستنەوەی مەتسرییەکانی لە ناوچەکە، ”بەرز نرخاندووە“.

فرانک بەیکەر هەروەها بەڵێنی داوە، کە وڵاتەکەی هاوکاریی و پشتگیریی زیاتری هێزەکانی پێشمەرگە دەکات، لە شەڕ دژی چەکدارانی داعش.

باڵیۆزی بەریتانیا لە بەغدا هەروەها باسی لەوەکردووە، کە ”پەیوەندییە ئابووری و بازرگانییەکان“ی بەریتانیا و حکوومەتی هەرێمی کوردستان بەردەوام دەبن.















باسنیوز