له‌ پرێس كۆنفرانسێكدا ئه‌فسه‌رى پۆلیسى هاتوچۆ خۆشناو حه‌سه‌ن به‌ڕێوه‌به‌رى هۆبه‌ى راگه‌یاندنى به‌ڕێوه‌به‌رایه‌تى هاتوچۆى رابه‌ڕین له‌ رانیه‌، ئامارى رووداوه‌كانى هاتوچۆى له‌ شه‌ش مانگى رابردوو خسته‌ روو، به‌پێى ئاماره‌كان له‌ ماوه‌ى ئه‌و شه‌ش مانگه‌ سه‌دو شێست رووداوى هاتوچۆ روویانداوه‌ و 267 هاووڵاتى بووه‌نه‌ته‌ قوربانى كه‌ له‌ نێویاندا 25 حاڵه‌تى مردن هه‌بووه‌.

ناوبراو راشیگه‌یاند، له‌ شه‌ش مانگى رابردوو به‌ڕێوبه‌رایه‌ته‌كه‌یان سێ هه‌زار و پێنجسه‌د و نه‌وه‌د و هه‌شت مۆڵه‌تى گشتى و تایبه‌ت و مۆتۆرسكیلیان داوه‌ته‌ شۆفێران و چوار هه‌زارو 181 سه‌رپێچى خێرا لێخورینیان له‌ رێگه‌ى كامێراى چاودێریه‌وه‌ تۆماركردووه‌ و 260 شۆفێرى بێ مۆڵه‌تیشیان ره‌وانه‌ى دادگا كردووه‌، به‌ به‌راورد له‌گه‌ڵ شه‌ش مانگى ساڵى رابردوو له‌و ده‌ڤه‌ره‌ رووداوه‌كانى هاتووچۆ كه‌مى كردووه‌، به‌ڵام حاڵه‌تى مردن زیادى كردووه‌.