فڕۆکەکانی هاوپەیمانان بۆردوومانی چەکدارانی داعش دەکەن
موقەدەم سەردار عەریف جەبار، لە هێزی یەکی زێرەڤانی راگەیاند : چەند خولەکیک بەر لەئیستا فڕۆکە جەنگییەکانی هاوپەیمانان لە گوندی ئەبزەخ-ی سەر بە ناحیەی نەمروود-ی سەر بە قەزای حەمدانیەیەی پارێزگای نەینەوا بنکە و بارەگاکانی داعشیان بۆردوومانکرد".
ئەو بەرپرسەی پێشمەرگە ئاماژەی بەوەکرد "لە بۆردوومانەکەدا ئۆتۆمبێلی چەکدارانی داعش کراوەتە ئامانج و فڕۆکەکانیش بەردەوام بە ئاسمانی ناوچەکە دەسووڕێنەوە".
رۆژی 19 حوزەیرانیش دوای ئەوەی لەلایەن هێزەکانی پێشمەرگە ئاگادارکرابوونەوە لە کۆبوونەوەی چەکدارانی داعش لە گوندەکە فڕۆکەکانی هاوپەیمانان بۆردومانی گوندی ئەبزەخیان کرد و بەپێی سەرچاوەکی ئەمنی بۆ رووداو " چەند ئۆتۆمبێلێکی داعش بەهۆی هێرشەکەوە تێکشکێندران و ئەو چەکدارانەی لە نێویشیان بوون کوژراون".
رووداو
