فڕۆكەجەنگییەكانی هاوپەیمانان،لەسەر زانیاری وردی هێزەكانی پێشمەرگەی كوردستان ،بەچڕی بۆردومانی مۆلگەكانی داعشیان لە دووگوندی جیاوازی میحوەری خازر كردو زیاتر لە9چەكداری ئەو ڕێكخراوە توندڕەوەیان كووشت.
موقەدەم”سابیر گوڵپی”یەكێك لەفەرماندەكانی هێزى پێشمەرگەى كوردستان لە میحوەری خازر ڕاگەیاند: ئەمڕۆ هەینی 26ی حوزەیرانی2015، دوای پێدانی زانیاری ورد لەلایەن هێزەكانی پێشمەرگەی كوردستانەوە، دەست بەجێ فڕۆكەجەنگییەكانی هاوپەیمانان هەڵساوون بە بۆردومان كردنی مۆڵگەكانی چەكدارانی داعش لەگوندەكانی(وەردەك و تولەبەن)ی میحوەری خازر و گورزێكی گەوەریان لێ وەشاندوون.
ناوبراو ئەوەشی ئاشكراكرد، لەئەنجامی بۆرودومانی فڕۆكەجەنگییەكانی هاوپەیمانان، 9چەكداری ڕیكخراوی توندڕەوی داعش كوژران.











باسنیوز