به‌یانی ئه‌مڕۆ‌ یه‌كشه‌ممه‌ 7ی حوزه‌یرانی 2015، له‌ هۆڵی هۆتێل گراند ملینیۆم، پلاتفۆرمی سلێمانی بۆ سه‌رجه‌م پارێزگاكانی دیكه‌ی عیراق ده‌ستی پێكرد و سه‌ره‌تاش پارێزگاری سلێمانی وته‌ی خۆی پێشكه‌شكرد.

هونه‌ر تۆفیق، وته‌بێژی پارێزگای سلێمانی، راگه‌یاند: ئه‌مڕۆ‌ یه‌كشه‌ممه‌، به‌ سه‌رپه‌رشتی پارێزگاری سلێمانی ‌و به‌ به‌شداری سه‌رجه‌م پارێزگاكانی عیراق پلاتفۆرمی‌ سلێمانی‌ ده‌ستی به‌ كاره‌كانی كرد.

له‌ ده‌ستپێكی پلاتفۆرمه‌كه‌دا، پارێزگاری سلێمانی وتارێكی پێشكه‌شكرد و به‌خێرهاتنی ئاماده‌بوانی كرد. و هەروەها بەرێز نێچیرڤان بارزانی، سه‌رۆكی حكومه‌تی هه‌رێمی كوردستانیش وتارێك پێشكه‌ش كرد.

هه‌ر له‌و پلاتفۆرمه‌دا جێگری سه‌رۆك كۆماری عیراق ‌و سه‌رجه‌م پارێزگاره‌كان ‌و چوار وه‌زیری حكومه‌تی عیراق ‌و چوار وه‌زیری حكومه‌تی هه‌رێم ‌و 20 سه‌ر كنسوڵ‌ به‌شدارن و پلاتفۆرمه‌كه‌ ماوه‌ی دوو رۆژ به‌رده‌وام ده‌بێت ‌و تێیدا پێنج پانێل له‌لایه‌ن پارێزگاره‌كانه‌وه‌ پێشكه‌ش ده‌كرێن.



















خه‌ندان