بڕیاردەری لیژنەی كاروباری پێشمەرگە و شەهیدان ‌و قوربانیانی جینۆساید و زیندانیانی سیاسی رایگەیاند وەزیری دارایی رەزامەندیی نیشان داوە لەسەر ئەوەی تا كۆتاییهاتنی شەڕی چەكدارانی داعش، پێشینەی هاوسەرێتی ‌و خانوبەرە لە هێزەكانی پێشمەرگە وەرنەگیرێتەوە و بۆ ئەو مەبەستەش داوا لە وەزارەتی پێشمەرگە كراوە بۆ ئەنجامدانی كاری پێویست بە نووسراوێك ناوی ئەو پێشمەرگانە ئاراستەی وەزارەتی دارایی بكات.

“بەهار عەبدولڕەحمان” بڕیاردەری لیژنەی كاروباری پێشمەرگە و شەهیدان ‌و قوربانیانی جینۆساید و زیندانیانی سیاسی راگەیاند : بە مەبەستی هاوكاریكردنی هێزەكانی پێشمەرگە، لیژنەكەمان سەردانی وەزیری دارایی كردووە و داوایان كردوە تا كۆتاییهاتنی شەڕی داعش، پێشینەی هاوسەرێتی ‌و خانوبەرە لە هێزەكانی پێشمەرگە وەرنەگیرێتەوە، وەزیری داراییش رەزامەندی لەسەر داواكەمان نیشان داوە”.

هەروەها گوتی: وەزارەتی دارایی داوای كردووە لەڕێگەی وەزارەتی پێشمەرگەوە داتا و ئاماری ئەو پێشمەرگانە ئاراستەی وەزارەتی دارایی بكرێ كە پێشینەی هاوسەرێتی ‌و خانوبەرەیان وەرگرتووە بۆ ئەوەی كاری پێویستیان بۆ ئەنجام بدرێ”.

رونیشی كردەوە “پڕۆژە یاسای بەخشینی پێشمەرگە لە پێشینەی هاوسەرێتی ‌و خانوبەرە تا ئێستە خوێندنەوەی یەكەمی بۆ كراوە و تا رێكارە یاساییەكانی دەبڕێ ‌و خوێندنەوەی دووەمی بۆ دەكرێ كاتێكی زۆری دەوێ، بۆیە پێشنیارمان كردووە كۆتاییهاتنی شەڕی داعش، پێشینە لە هێزی پێشمەرگە وەرنەگیرێتەوە .




























(باسنیوز)