له‌ چوارچێوه‌ى سه‌ردانه‌كه‌یدا بۆ شارى سلێمانى؛ نێچیرڤان بارزانى شه‌وى رابردوو سه‌ردانى نه‌وشیروان مسته‌فا رێكخه‌رى گشتى بزووتنه‌وه‌ى گۆرانى كرد له‌ ماڵه‌كه‌ى خۆیدا؛ له‌و سه‌ردانه‌دا باس له‌ كێشه‌و گرفته‌ ئه‌منى و ئابورییه‌كانى هه‌رێمى كوردستان كراو باسیش له‌ شه‌ڕى داعش و چۆنییه‌تى به‌رده‌وامیدان به‌ به‌رگرى و خۆڕاگرى له‌ دژى تیرۆریستانى داعش كرا.

هه‌روه‌ها باس له‌ كێشه‌ ئابوورییه‌كانى نێوان به‌غدا و هه‌رێم و مووچه‌و بودجه‌ى هه‌رێم و ئه‌و كێشانه‌ كران كه‌ به‌ره‌و رووى هه‌رێم ده‌بنه‌وه‌؛ ته‌وه‌رێكى دیكه‌ى كۆبوونه‌وه‌كه‌ش برتى بووه‌ له‌ په‌یوه‌ندى نێوان هێزه‌ سیاسییه‌كانى هه‌رێمى كوردستان و چۆنییه‌تى تێپه‌ڕاندنى كێشه‌ ناوخۆییه‌كان كرا.