ڕۆژی هەینی 8ـی 5ـی 2015 لە بارەگای نوێنەرایەتیی حكوومەتی هەرێمی كوردستان لە واشینگتۆن، بەڕێز مەسعود بارزانی سەرۆكی هەرێمی كوردستان و شاندی یاوەری دیدارێكی ڕۆژنامەوانییان لەگەڵ ژمارەیەك میدیاكار و دەزگەی ڕاگەیاندنی ئەمەریكایی ساز كرد.

لەم دیدارەدا سەرۆك بارزانی لە وتەیەكدا ئەجێندای سەردانەكەی بۆ ئەمەریكا و دیداری لەگەڵ گەورەبەرپرسانی ئەمەریكایی شی كردەوە و هەروەها باسی بارودۆخی سیاسی و ئەمنیی كوردستان و عێراق و شەڕی تیرۆریستانی داعش و سەركەوتنەكانی پێشمەرگەی كرد.

دوای وتەكەی سەرۆك بارزانی دەرگە بۆ پرسیاری ڕۆژنامەنووسان كرایەوە و سەرۆك بارزانیش وەڵامی پرسیارەكانی دایەوە.