29 حوزه‌یران / یۆنیۆ (گوڵان میدیا)- به‌ڕێز مه‌سعود بارزانی سه‌رۆكى هه‌رێمى كوردستان به‌ سه‌ردانێكى فه‌رمى گه‌یشته‌ پاریسى پایته‌ختى فه‌ڕه‌نسا . له‌ كۆشكى ئه‌لیزییه‌ فرانسوا هۆلاند سه‌رۆك كۆمارى فه‌ڕه‌نسا پێشوازیى له‌ به‌ڕێز مه‌سعود بارزانی سه‌رۆكى هه‌رێمى كوردستان كرد.

پشتى كو برێز مه‌سعود بارزانى سه‌رۆكێ هه‌رێما كوردستانێ و شانده‌كه‌ بلندا پێره‌ ژبۆ به‌شداریكرنا كۆربه‌ندا ئابوورى یا باژێرێ پێترسبۆرگێ سه‌رى ل روسیایێ خست و هن هه‌ڤدیتن و جڤین ب به‌رپرسیارێن پله‌ بلند یێن رووسیێ و به‌شدارێن كۆربه‌ندێ پێكانیى؛ ئیرۆ سه‌رۆكێ هه‌رێما كوردستانێ گه‌ها پاریس یا پایته‌خا فره‌نسایێ.

ل پاریسێ ژى ل كۆچكا ئه‌لیزێ ژبال فرانسوا هۆلاند سه‌رۆكێ كۆمارا فره‌نسایێ ڤه‌ ب ئاواكى فه‌رمى هاته‌ پێشوازیكرن. د جڤینه‌كێ ده‌ باسا تێكلى یێن دیرۆكى یێن ناڤبه‌را كوردستان و فره‌نسایێ و هه‌روه‌ها گوهه‌رتن و گرفتاری یێن سیاسى یێن ئیراقێ هاته‌ كرن.

د به‌شه‌كه‌ دن یا هه‌ڤدیتنێ ده‌ ره‌وشا سوریێ ب ئاواكى گشتى و ب تایبه‌ت ره‌وشا ئۆپۆزسیۆن و وه‌لاتى یێن كورد یێن رۆژئاڤا كوردستانێ هاته‌ كرن.