ھەفتەی داھاتوو سەرۆکایەتی پەرلەمان لەبارەی نامەکەی سەرۆکی ھەرێم لەگەڵ رێکخراوەکانی کۆمەڵگەی مەدەنی کۆدەبێتەوە
تارق جەوھەر سارمەمی گوتیشی: سەرۆکایەتی پەرلەمانی کوردستان ھەنگاوی جدی ناوە بۆ یەکلای کردنەوەی ئەو پرسە و تائێستەش دووکۆبوونەوەی لە گەڵ سەرۆک فراکسیۆنەکان ئەنجام داوە، ھەروەھا لە گەڵ نوێنەری سەرجەم حزبەکانی ھەرێمی کوردستان کۆبوونەوەی سازکردووە و سەرنج و تێبینی خۆیان لەبارەی دەستور پێشکەش کردووە.
سارمەمی راشیگەیاند: بۆ گەیشتن بە کۆدەنگی و سازانی نیشتیمانی لەبارەی دەستور، پێویستە لایەنەکان نەرمی بنوێنن، بۆ ئەوەی بتوانن لە کاتێکی زوودا بگەنە رێککەوتن.
ماوەەیەک پێش ئێستە سەرۆکی ھەرێمی کوردستان نامەیەکی ئاراستەی پەرلەمانی کوردستانی کرد، کە سەرنج و تێبینی سەرجەم حزب و لایەنەکانی لەخۆدەگرت لە بارەی دەستور، بۆ ئەوەی بگەنە کۆدەنگیی و سازانی نیشتمانی لە بارەی ئەم پرسە.
