19 حوزه‌یران / یۆنیۆ (گوڵان میدیا)- له‌ دانیشتنی ئه‌مڕۆیدا په‌رله‌مانی كوردستان هه‌مواركردنی یاسای ژماره‌ی 7ـی هه‌لبژاردنه‌كانی هه‌رێم په‌سه‌ند كرد.

به‌گوێره‌ی هه‌مواركردنه‌كه‌، شێوازی ده‌نگدان له‌ لیستی داخراوه‌وه‌ بۆ لیستی نیمچه‌ كراوه‌ گۆڕدراوه‌.

هه‌روه‌ك له‌ڕووی هه‌ژماری ده‌نگه‌كانیشه‌وه‌، هه‌رێمی كوردستان وه‌كو یه‌ك بازنه‌ی هه‌ڵبژاردن هه‌ژمار ده‌كرێت.

پێشتر كۆمسیۆنی باڵای سه‌ربه‌خۆی هه‌ڵبژاردنه‌كان ڕایگه‌یاندبوو، دوا كه‌وتنی هه‌مواركردنی یاسای هه‌ڵبژاردنه‌كان كاریگه‌ری له‌سه‌ر واده‌كه‌ی ده‌بێت.

بریاریشه‌ له‌ 21ـی ئه‌یلوولی داهاتوو هه‌ڵبژاردنی سه‌رۆكایه‌تی هه‌رێم، په‌رله‌مان و ئه‌نجوومه‌نی پارێزگاكانی هه‌رێم ئه‌نجام بدرێت.