١9ی حوزەیران/ یۆنیۆ (گوڵان میدیا)- بۆ یەكەمینجار له مێژوو لاوێكی كوردی شاری هەولێری پایتەختی هەرێمی كوردستان به فەرمی بەنوێنەرایه تی ئەنجوومەنی سەركردایەتی یەكێتی لاوانی دیموكراتی جیهانی بەشداری له كۆبوونەوەی ئاسایی ساڵانەی یەكێتی لاوانی دیموكراتی ئەوروپا دەكات. فه لاح حەسه ن راوێژكاری سەركردایەتی یەكێتی لاوانی دیموكراتی جیهانی پاش بەشداریكردنی له كۆبوونەوەكە و خویندنەوەی وتاری یەكێتی لاوانی دیموكراتی جیهانی له شاری پراك له كۆماری چیك، له وتارێكی تریدا باس له هەرێمی كوردستانی عێراقی فیدرالدا دەكات.

له وتارەكەدا له به ردەم سەركردایەتی یەكێتی لاوانی دیموكراتی ئەورپا و وەزارەتی پیشەسازی و بازرگانی كۆماری چیكباس له پێگەی هەرێم دەكات له رۆژهەڵاتی ناوەڕاستدا و تیشك دەخاته سەر بەهێزی ناوچەکە و گەشەكردنی لە سەرجەم بوارەكانی ئاسایش و ئابووری و شارستانی و ئازادیدا، ئیشارەتی بەوەدا كه هەرێمی كوردستان له ئایندەیەكی نزیكدا سودی دەبێت بۆ ئابووری وڵاتانی ئەورپا و یەكێتی ئەورپا.

له بەشێكی تری وتارەكەدا باس لەپێگە و ژیان و یەكسانی سەرجەم ئاینەكان دەكات له كوردستان و باس لەكردنەوەی دەرگاكانی هه رێم دەكات له كاتی سەختی باری ئاسایشی عێراق و پاراستنیان، شایەنی باسه ناوبراو بەیەكەمین راوێژكار دانراوه له مێژووی یەكێتی لاوانی دیموكراتی جیهانی كه خەڵكی رۆژهەڵاتی ناوەراست بێت، شایەنی باسیشه له هەمان كاتدا فەلاح حەسەن نوێنەری دەرەوەی یەكێتی لاوانی دیموكراتی كوردستانه .